|
Tihei mauriora ki runga, ki raro, ki ngā tahataha katoa mai i te āiōtanga o te rangi tuhāhā ki tōna tuku wairua ki te tangata me ōna wāhanga herenga ki te āo turoa. Ngarue ana te whenua, ngaoko ana te moana i te hinganga o ngā tōtara whakahae o te wao. E kui mā, e koro mā i te pō, waihotia mai e koutou tō tātou reo rangatira hei manaaki, hei poipoi, ā, hei tāonga tuku iho mā mātou ā tōna wā. Kei whea mai te taonga whakahirahira i tua atu o te reo? Ko te taumata o te whakaaro, kia rite ā mātou waihotanga ki ngā kai i whakarērea mai e koutou. Takoto tīraha, takoto okioki. Ko koutou ki a koutou, e te hunga ora, tēnā anō tātou katoa. Nau mai hāere mai!
Tēnā kōutōu katoa, he paku whakamārama tēnei ki ō mātou kaupapa a te kuraICT.māori.nz. Ko te whakarite hāpori hangarau Māori tō mātou whainga to mātou moemoeā. Mai ētahi o ngā kairangi ICT ki te Awa o Whanganui te whakaaro nei i ahu. Mā te hangarau nei te toha atu i ngā puna whakarite mōhiotanga, akoranga hoki.
Ko te whakatū āhuatanga ICT me ngā pūnaha ICT hei āwhina ki ngā kura te pūtaketanga o te kuraICT.maori.nz. Ko ngā pūnaha ICT tētehi huarahi e whakahaere ana e te kuraICT.māori.nz hei āwhina ki te kaiako kia piki ake ngā whiwhinga ako ā te ākonga. Ko te āwhina ki te kaiako te take nui ā te kuraICT.māori.nz. Mai i tēnei paetuku ka tāea te whai mōhiotanga i ngā huarahi kua whakaritea e te kuraICT.māori.nz. Ko te mahitahi me ngā kaiako te takahitanga hei tohatoha rauemi, hei tuhonohono kaiako kairangi kia whakamāmātia te haere i tēnei huarahi mo te katoa.
He wāhanga whānui atu hoki tō tēnei wahanga, ara ko te whakarite rauemi ā hiko. Ka noho wehewehe te whakarite i ngā momo rauemi. Ko te tuatahi ko ngā whakaritenga akoranga mo ngā tamariki me ngā kaiako, tae atu ki ngā mātua e tautoko atu ki tana tamaiti.
Ko te Whakarite Hapori Hangarau ā te kuraICT.māori.nz tēnei. He tomokanga tēnei ki ngā rauemi ā hiko kia whakapakari ai te whānau whānui me te whai mōhiotanga ki ngā momo hangarau e pā mai ana ki a tātou. Ko te whakakoi i o tātou hinengaro te pūtaketanga o te whakarite hapori hangarau nei. Kei raro nei nga whainga whakarite hāpori hangarau.
Whainga Matua:
Ko te whakarite hangarau hei tautoko atu ki te whānau whānui, te whāinga tuatahi ā te kuraICT.māori.nz.
Ko te whakangungu kaiako kia whānuitia atu ngā whiwhinga mo te ākonga te whāinga tuarua ā te kuraICT.māori.nz.
Mā te Reo Rangatira i tuku mātauranga mai, te tūhonotanga i ngā kete kohikohinga a te kuraICT.māori.nz. 
Nau mai ki te Kete Whakangungu ā te kuraICT.māori.nz. He tomokanga tēnei ki ngā mahinga whakangungu hei āwhina ki te kaiako. Ko te whakapakari me te tautoko atu ki ngā whiwhinga hūhua o te tamaiti me te whakamōhio atu ki ngā mātua i ngā tūmomo whakangungu nei te tino pūtake o te whārangi nei. He whakamāramatanga tēnei i ngā whakangungu kaiako ā te kuraICT.māori.nz. Ko te whāinga mutunga o ngā whakangungu ko te whiwhi i ngā ākonga i ōna putanga whiwhi ako. He mahinga tēnei kia āwhi tautoko atu ki ngā kaiako kia whai hua ai ōna ākonga i tōna i ako ai.
Ka hāngai ngā whakangungu ā te kuraICT.māori.nz ki ngā marautanga me ngā hangarau i tāea te awhi atu ki ngā kaiako anō, ara hoki, ko te tiritiri rauemi ā hiko i tāea e ngā kura te whiwhi. Mā te whakangungu ki ngā pūnaha akoranga me ngā rauemi ā hiko te whakatinana. Mā te kuraICT.māori.nz te whakahāere. He pārongo atu anō. |
|
